.. ,,’’,, .. اسباب التراب والعواصف مال بغداد .. ,,’’,, ..

.. أسباب التراب والعواصف مال بغداد ..

طبعا العراق هالايام دتصير بي عوااصف وتراب والدنيا مشتعله
وطبعا لازم اكو اسباب لهالعواصف خوما تجي اعتباطا _... حلوة مال اعتباطا
فطبعا اني (اعوذ بالله من هالكلمة) باعتباري شي طاك بالدولة واعرف هواي ناس واصلين بالحكومة
كلت خل اسئلهم بلكي اعرف فسئلت الجماعه وخل نشوف ردودهم

يقول مسؤول

( من وزاره الهجره)
اني سبب العجه هو ان العراقيين ديرجعون (ركضا) الى العراق من الدول المجاوره . بعد تحسن الوضع الامني (بهاي صدكت بس بالهندي )

وقال مسؤؤل
من

(وزاره الااعمار)
اني سبب العجه هو حمله الاعمار الفضيعه التي يمر بها العراق.واذا اتكولون وين اكو اعمار
فاكيد انتو مدا اتشووفون ناطحات السحاب بسبب هاي العجه المقرفه
(مبين عليك متجذب من المقرفة )

وقال مسؤؤل
من

(وزاره الثقافه)
ان سبب العجه هو ازدهار الفنون الشعبيه في العراق .وخاصه ركصه الجوبي..التي سببت هذه العجه.

(باع هذا بطران عله ربة )

وقال مسؤؤل
من

( وزاره الرياضه)
اني سبب العجه هو تمرينات المنتخب على ضربات الدبل كيك..استعدادا لبيع المباريات القادمه للمنتخب. (هاااااا اي )

وقال مسؤول
من

(وزاره الدفاع)
اني سبب العجه هو تجارب الاسلحه النوويه الجديده التي اخترعتها وزارته المبجله..والتي تسبب( بوخه)فقط
مع احتماليه حصول كحه مزمنه للي بيهم ربو
(خل اسكت هاي بيهه سـجن ..... تصفيق يمعودين )

وقال مسؤؤل
في

( وزاره الكهرباء)
ماعرف سبب العجه بس المهم الكهرباء مراح تجيكم هل تلث تشهر بسبب هل العجه الملعونه..يعني احنا معلينه مو تحجون بعدين
(خو انته تكيف)

وقال مسؤؤل
من

(وزاره السياحه)
ان سبب العجه هو التنظيف المتواصل (لزوالي) فندق الرشيد

(ممممممممم)

وقال مسؤؤل
من

( وزاره الصحه)
نطلب من العراقيين عدم التنفس هذه الايام

(علم يابه هيه كوووة )

وصرح مسؤؤل
من

( وزاره الخارجيه )
ياعجه يمعودين.ليش اكو عجه بلعراق ..اني صارلي اتلث سنين عايش بره ..بس استلم راتب.

(ههههههههههههههههههههه مو وياك خالو مو وياااااك ... الي بعدووو)

وصرح مسؤؤل
من

( وزاره الداخليه )
عثرنا على مخبأ يحتوي على ميتين كرك وثمن ماسحات وعربانتين تك تاير. وكلاب لوري
وهذا يثبت ان هذه العجه محاوله يائسه من دول الجوار..
لدفن العراق..

(( احم تصفيق تصفيييييق ))

وقال احد

اعضاء البرلمان
ان سبب العجه النكت القديمه التي يلقيها الاعضاء اثناء الاجتماع

((( الي بعدووووو))9

وصرح مسؤول اخر
(فضل عدم ذكر الجهه التي ينتمي اليها)

بابا هازا التراب يوزح ان مدينه كركوك زات اغلبيه كورديه..

(صدك جذب ههههههههههههههههههه)

وصرح مسؤؤل
من

( وزاره البلديات)
ادري ياعيني...اكيد اتصير عجه...اذا منظفينا

(ديكنسون)ابكل مكان. ( امشي جذاب لتهمبل تره بالماوس )

وصرح مسؤؤل
من

( البحث العلمي )
ان سبب العجه هو الضغط الهوائي الذي سببه اطلاق مكوك فضائي عراقي .لااستكشاف امكانيه وجود حياه في منطقه الجوادر (( احتمال ))

اما مديريه المرور العامه ....

....فقالت ....
ان سبب العجه...هو سباقات سيارات الرالي المثيره التي تشهدها شوارع بغداد

((هيه الحجلة مالتي وكــل يوم كاصيلها وصل ))

هع هع هع هع هع هع

مـ تحياتي ـع

تحـــــــياتي
اســـــــير الـــــروح

.........................................

ا

.. ,,’’,, .. اسباب التراب والعواصف مال بغداد .. ,,’’,, .. Get-7-2009-64z2i9na