احلة الكلام

شكالولك عليه وصار وجهك سيــف وتعرفني التكتلك والحجي مصدكه
شجــرة ومو بديــة وحجـــيــك ريح وتحملنــي ذنب من طيحــة الوركه
خلك ساتر ولك سويت خلكي وياك شكد موت وجثث وما ضيكت خلكه
مو من صالحك عالجرف تزرع عود ما تدري على ساعة يفيض ويغركه
ومن شفت الخناجر خذن دور السيف كلت يا روح صيري بهالوكت دركه
وتسألني تكلي شســـــــوه وكتك بيــك شسولفـلك شكلك تكتــــــل الحركـــه
ذبني ببير بيده وكــــال اكلني الذيب ورسم للذيب صورة وجثتي بحلـكــه
وطفاني عالجمر بجفوفه رش الماي ورد ينفـــخ رماد ويا جمـــر يلكــــه
ما يدري الوكت لو عسف هزة خيل اليطيـــح بدرب اجدامهـــه تسحكــــه
وذبحني بنظرة غيم ومطرهه يطيح كضت شو غاد روحي بلهفة الملكـــه
مثل شمرة مفارك من تجينــي بطيف اشبكنـــك وافـــز وكلشــي ما الكـــــــه
مو ذنبي ترة لبعـــض البشر ما لــوك بس طبعي صريــح وراسي ما ادنكه
الؤلــؤ بالضــــم كلش جميــل يكـــون بس هوه الحجـــي على يا ركبه نعلكه